108 Comments

Misa Requiem

Misa Requiem

A Play for the late Msgr. Felino Caballa

Ni Fr. Tingting Ancajas

Mga Nagdala

Padre Tining: Ang Kura sa San Gabriel

Eric: Ang Sekretaryo sa parokya

Clark: Ang Kampanero

Luis: Ang Kapitan sa Barangay

Pidot: Barangay Tanod

Tekyo: Barangay Tanod

Mark: Ang Parokyano

Mga boy sa pari:

Tacio

Berting

Ewing

Lugar: Sa sala sa kumbento

Takna: Ala-una y medya sa kaadlawon.

(Mingaw ang palibot. Ang sala gisug-an og gamay nga suga nga anaa sa altar. Adunay imaginary nga mga abling bentana sa atubangan sa entablado. Sa kalit lang mobagting ang kampana. Mobagting pag-usab. Mogula sa Padre Tining nga nagsul-ob pa sa iyang pajama. Mopadulong sa bintana. Motan-aw.)

Padre Tining: Naa na sad ning si Clark. Kapila na nako ni siya ingni nga dili magpalabi og inom kay maalimongawan siya. Magpataka lang og bagting bisan unsang orasa. (Motan-aw sa relo.) Kuwang man lang og usa ka oras. Kaniadto alas dos y medya. Karon ala una y medya. Mabawo na sad ko og esplikar sa mga tawo niini nganong mibagting ang kampana niining taknaa. Sus, Clark kon dili pa tungod sa imong amahan nga suod nakong higala dugay na tikang gipapahawa dinhi. Dungag-dungag ka lang sa problema.

(Mobalik sa pag-adto sa iyang lawak. Mobagting ang kampana pag-usab. Mobalik sa bintana. Motan-aw sa gawas.)

Padre Tining: Nabuang na gyud si Clark. Wa na gyud ka alimungawi. Klaro kaayo nga hubog na sad ka. Bantay ka lang gyud ron. (Motawag kang Eric.) Eric! Eric! Eric!

(Mogula si Eric gikan sa iyang lawak nga anaay baga kaayo nga chintzantsu sa iyang nawong. Gikan pa natulog.)

Eric: Nganong sayo man ka nagmata, Tiyo? Ala-una pa kapin.

Padre Tining: (Molingi kang Eric. Makurat.) Sus, Ginoo ko! Atakihon gyud ko nimo! Giingnan na tika nga ayaw’g pakita nako nga ingon niana. Mora gyud ka’g abat!

Eric: Wa man gud ko magtoo nga tawgon ko nimo ron. Ala-una pa gud sa kaadlawon. (Magsige og hikap sa iyang nawong.) Na madaut na gyud ning akong nawong karon. Ingon ra ba sa dermatologist nga dili palihukon ang akong nawong kung naa ni. Mawa kuno ang effect ani.

Padre: Di gyud mawa ang epekto ana kay bisan kinsay makakita nimo mahadlok gyud.

Eric: Tiyo sad oy. Mahal ra ba kaayo ni.

Padre: Adtoa si Clark sa kampanaryo ug paanhia nako.

Eric: (Motan-aw sa kampanaryo. Mahadlok.) Kanang sakit raba ang akong tiyan. Ugma na lang tiyo oy.

Padre: Karon na!

Eric: Mahadlok man ko didto. Ngitngit kaayo. Tingalig naa na sad tong duwende.

Padre: Unsay duwende? Walay duwende! Kon naa man gani, dili na sila kahadlokan kay naa sa simbahan. Mga buotan na.

Eric: Unya mahadlok man ko sa ilang dagway bi.

Padre: Wa man gani ka mahadlok sa imong nawong ‘ron nga mas ngil-ad pa man gani na sa duwende.

Eric: Ngil-ad pa ni ron. Apan ini’g tangtang ani…Transfiguration! My face as dazzling as the sun.

Padre: Sus, naunsa ka man intawon oy. Di na gyud ka matabang bisan pa tingali’g lagoon teka’g bendita.

Eric: Dili man kaha ko nimo palimugmogon.

Padre: Ambot nimo! Nganong ikaw pa’y akong nahimong pinanggang pag-umangkon.

Eric: If I know, liwat man ko nimo.

Padre: Simbako ka intawon.

(Mobagting pag-usab ang kampana. Makurat si Eric.)

Padre: Tua na sad. Nabuang na gyud ning Clark. Asa man diay sila si Tacio?

Eric: Nananghid to si Ewing ganiha nga dad-on nila si Tacio og suroy. Mamangka kuno ug inom.

Padre: Inom na sad? Madugay patungabon na gyud nako na sila ug Tanduay kanunay. Unya, wa pa moabot?

Eric: Mga nawong ato. Buntag na to moabot, I’m sure. Sabado gud ron, way klase.

Padre: Na hala kay wala man sila ikaw nalay adto ni Clark.

Eric: Di ko tiyo oy, kay naghubog man to si Clark.

Padre: Daan pa gyud ko.

Eric: Human sa panihapon nagbitbit nato’g Tanduay. Maghubog kuno siya kay wa nimo taga-ig kwarta palit og sapatos didto sa Ukay-ukay.

Padre: Asa man diay ang iyang sweldo?

Eric: Hurot na didto sa Siyudad.

Padre: Aw iyaha na nang sala kon wan a siyay kwarta. Wa gyuy buot, nganong ang kampana may iyang pahimungtan? (Motan-aw kang Eric.) Nganong dili man ikaw?

Eric: (Mahibulong.) Oy! Nganong ako man? Ikaw may iyang gikasuk-an?

Padre: Mahadlok man siya nako kay pari gud ko. Anha siya nimo kay pag-umangkon man tika…

Eric: Ambot nimo Tiyo oy! Wa man sad diay ka ma-balance.

(Mobagting pag-usab ang kampana. Masuko si Eric.)

Eric: Sa banabana nako, grabe gyud ang iyang kasuko nimo, tiyo.

Padre: Mao gani nga adtoa na didto ug ingna nga gipatawag nako. Kon sapatos iyang problema, naa koy daghan. Para sapatos lang.

Eric: Maayo pa tagaan na lang na nimo, tiyo.

Padre: Sige, ingna didto nga tagaan nako siya’g sapatos.

Eric: Sige ari na ko. (Magsugod og lakaw. Molingi.) Unya tiyo, kon iya kong sukmagon?

Padre: Pusposi! Pagdala og dos por dos daan.

Eric: (Molakaw padulong balik kang Padre.) Kon iya kong pitlokon?

Padre: Pagdala og bato. Ihampas sa iyang ulo.

Eric: (Molakaw paduol.) Kon dili siya maunsa?

Padre: Tunla ang bato og siyagit og “Darna!”

Eric: (Mopaduol pa gyud sa pari.) Unya, tiyo, kon iya kong lugoson?

Padre: Aw magkuyog ta…aw dili diay! Ato siyang ikiha.

Eric: O sige, tiyo. Ari na ko.

Padre: Na sige, lakaw na.

Eric: (Mobalik sa pari.) Kanang tingali’g maunsa ko didto tiyo…kanang bendisyoni lang ko daan bi.

Padre: Saba diha oy! Ka OA gyud nimo. Dili ka pa mamatay. Mo-transfigure pa gud ka.

Eric: Tuod no! Mo-transfigure pa man diay ko. (Mohikap sa iyang nawong.) Sige tiyo, ari na ko. (Molakaw.)

Padre: (Motawag gikan sa bintana.) Pagmatngon baya Eric. Kon magkinaunsa gani, ayaw gyud kalimot og dagan balik diri.

Voice Over: Dili tiyo.

(Mobagting na sad ang kampana. Motan-aw sa kampanaryo. Mosulod si Padre Tining sa iyang kuwarto. Mogula nga magdala og daghan kaayong sapatos.)

Padre: Sus, kon sapatos lang ang imong gikasuk-an, diay daghan. Mas nindot pa ni sa gibaligya sa mga ukay-ukay. Wa pa gyud ni kagaw.

(Mosulod ang Kapitan nga kuyog si Tekyo ug Pidot.)

Kapitan: Maayong buntag dre!

Tekyo: Padre…Maayong kaadlawon!

Pidot: (Mo-amin. ) Maayong buntag dre.

Padre: Maayo nga ania mo dinhi. Hulata ninyo si Clark. Kay akong gipakuha ni Eric. Akong gipatawag kay tua ay, nagbinuang na sad. Gi-sige og bagting ang kampana. Nasuko kuno to kay wa kapalit og sapatos. Naghubog. Unya ang kampana ang gipahimungtan.

Kapitan: Dili si Clark ang nagbinuang sa kampana dre oy!

Padre: Nganong nakaingon man ka nga dili siya?

Tekyo: Kuyog man ko ni Clark dre, Nanghagad man gud to’g inom kay naglagot lagi siya nga wa makapalit og sapatos didto’s ukay-ukay. Samtang nag-inom mi, mingkalit lang og bagting ang kampanaryo. Mingdali to’g lakaw. Nasuko gani to kay naa na sad kunoy nag-date sa kampanaryo.

Padre: Kon mao kana…dili diay si Clark ang naa sa kampanaryo! Kinsa man diay?

Kapitan: Tingale’g ang mga nag-date na ‘dre?

(Mobagting ang kampana. Magtinan-away sila.)

Pidot: Dili kap oy, kay tua na gud si Clark. Iya na gyud unta tong nabadlong.

Tekyo: Unya nganong nagsige pa man lagi ang bagting?

Kapitan: Unsa man? Atong adtoon ‘dre?

Tekyo: Ayaw lang dre oy, kay tingale’g sila na si Paquito. Kadto bang nagbinuang kaniadto sa kampanaryo. Kadtong nakigsukmagay ni Clark?

Pidot: Tingale’g sila na si Paquito u gang iyang mga barkada. Gisugo na sad sila ni Mayor Tuling nga binuangan ang simbahan.

Padre: Husto no! Si Paquito man diay ‘tong nagbinuang sa kampanaryo kaniadto.

Kapitan: Mao tingale to nga nagsige siya’g labay-labay dapit sa kampanaryo ganihang hapon. Naa diay siya’y plano!

Tekyo: Gisugo gyud na siya ni Mayor Tuling. Klaro man gud kaayo nga siya ang imong gipasabut sa imong wali niadtong niaging Dominggo ‘dre.

Padre: Tinuod man sad ‘tong akong gisulti.

Pidot: Sila na gyud nang Paquito. Pustaanay pa.

Padre: (Makurat.) Sus, Ginoo ko! Tua ra ba si Eric didto! Hangtud karon wa pa raba mabalik. Tingale’g giunsa na to nila. Nangayo r aba to og panalangin kay tingale’g unsa kuno’y mahitabo niya. Tingale’g signos na to niya.

Kapitan: Tingale’g…gikulata to uban ni Clark>

Padre: Sus, maryosep! (Manguros.)

Pidot: Tingale’g…gipangdunggab to sila?

Padre: San Gabriel… tabangi intawon sila!

Tekyo: Tingale’g patay na sila karon?

Padre: Mga santos nga tanan…tabangi sila.

(Mobagting ang kampana.)

Padre: Kapitan…mohangyo ko nimo nga adtoa sila si Eric ug si Clark. Tingale’g naunsa na to sila.

Kapitan: Ayaw’g  kabalaka, Padre. (Kang Tekyo.) Tekyo, adtoa ang kampanaryo ug luwasa sila si Eric ug Clark.

Tekyo: Kapitan sad oy! Nganong ako pa man gyud. Si Pidot na lang kay isog kaayo na siya.

Pidot: Nganong ako gud tawon nga bag-o pang nanganak ang akong asawa. Maunsa pa lang ko didto. Kinsa may mobuhi sa akong unom ka anak, kamo?

Kapitan: Ug kinsa may inyong paadtoon? Ako? Nga ako mang bantayan si Padre. Tingale’g moanhi to sila unya apilon sa pagpatay ang pari. (Kahilum.) Asa diay sila ni Tacio, ‘dre?

Padre: Wa diri. Ambot asa ‘to nanuroy ang mga animal. Si Eric na lang hinoon ang akong nasugoan.

Tekyo: Unya kinsa may moadto sa kampanaryo karon nga seguro man gyud ko nga tua sila si Paquito didto?

Padre: Walay mangadto kay kinahanglan nga atong protektahan ang atong kaugalingon.

Kapitan: Mag-unsa na man lang to ron?

Padre: Manawag ta og pulis! Atong paanhion ang hepe sa lungsod.

Tekyo: Maayo pa.

(Moadto si Padre Tining sa telepono. Mo-dial. Mo-redial.)

Padre: Busy kaayo ang linya.

Tekyo: Gi-hang-up na nila, ‘dre.

Pidot: Basta ingon niining mga orasa, ila gyud nang i-hang-up ang telepono.

Padre: Unya, unsaun na lang kung nagkinahanglan ta ug tabang?

(Mobagting ang kampana. Mohilum sila. Mokalit lang og katagak ang salamin sa tokador.)

Padre: Ang samin ni Eric! Kapitan! Si Eric na gyud ron!  Patay na si Eric! Pasayloa ko dong Eric nga wa tika tagai ug bendisyon. Panaad nako, misahan tika og requiem. (Puniton ang nabuak nga samin.) Kapitan, ako’y moadto didto. Kinahanglan nga akong mapakita nga andam akong mamatay alang niya.

Tekyo: Unya kon patyon ka nila ni Paquito ‘dre?

Padre: Bahala na! Tingale’g naunsa na kadto si Eric.

Kapitan: Dili Padre. Ako nalang ang moadto. Mas balihon pa nako nga ako ang maangol, kontra nga ikaw.

Padre: Salamat kaayo kapitan.

Pidot: Mokuyog ko nimo, Kapitan!

Tekyo: Hasta ko, kap.

Kapitan: Magtinabangay ta aron atong mapildi sila si Paquito.

Pidot: Kaya lagi na nato sila.

Kapitan: Aduna lang ko’y hangyo nimo, Padre…

Padre: Unsa man kana?

Kapitan: Kon duna gani mahitabo nako…kung mamatay man gani ko, misahi bya ko og requiem padre ha…

Tekyo: Ako sad, Padre.

Pidot: Apila na lang sad ko, dre…

Padre: Sige, kamong tulo.

Kapitan: Sige, mangadto na ta. (Molakaw.)

Padre: Manalangin unta kaninyo ang Diyos…(Mohatag sa panalangin.)

(Mobagting ang kampanaryo. Dugay nga bagting. Motan-aw si Padre Tining sa bentana. Moabot sila si Ewing ug Berting nga nag yayong ni Tacio.)

Padre: (Mahilingi.) Mao na kanay inyong gidangatan. Maghubog-hubog, unya mamauli na lang nga wa nay panimuot.

Berting: Dre,…naay nahitabo kang Tacio.

Padre: Nagpalabi man gud ug inum!

Ewing: Wa dre oy! (Modala kang Tacio padulong sa sofa.)

Berting: Nikalit lang siya’g kaluya. Unya anaay daghang mga lagum sa iyang panit. Matud niya ganiha init kuno kaayo ang iyang pamati. Apan wa man siya hilanti.

Padre: Unya nganong wala man ninyo iuli?

Ewing: Na, si Berting dre ay…nagsige pa mag panguyab.

Padre: Mao na ron. Bisag mamatay na ang inyong kauban, di mo magtagad. Wa man gani mo kahibalo kon unsa ang nahitabo dinhi.

Berting: Kay unsa man diay nahitabo dre?

Padre: Nagbinuang sila si Paquito sa kampanaryo. Gi-sige og bagting ang kampana. Tua si Eric og si Clark didto. Wa ko kahibalo kon naunsa na sila kay hangtud karon wa pa gyud mauli. Giapas na nila ni Kapitan ug nila ni Tekyo ug Pidot.

Ewing: Unsa man dre, among apason?

Padre: Ayaw na lang. Hulaton nalang natong pagbalik nila ni Kapitan.

(Mobagting ang kampana. Dugay nga bagting. Magtinan-away sila.)

Padre: Taympa una. Bagting man ron sa patay, di ba?

Berting: Bitaw dre…para sa patay man ron!

Padre: Atua didto si Clark! Siya lang ang maka-maong mobagting para sa patay. Apan nganong para man sa minatay? Para kang kinsa? Eric? Ginoo ko! Dili unta tinuod ang akong gihunahuna. (Mobarug padulong sa bentana.)

Tacio: (Maulian,) Dre…tabang dre…

Padre: (Mopaduol.) Naunsa man ka?

Tacio: Init kaayo ang akong pamati, dre, init kaayo.

Padre: Tingale’g allergy na. Berting…pagkuha ug celestamin sa medicine box. Ewing pagkuha’g tubig didto sa kusina.

(Mobarug ang duha. Mapawong ang tanang suga sa sulod. Blackout.)

Berting: Nganong karon pa man sad ni nag-brown out oy! Pagdagkut una mo ug kandila kay ngitngit kaayo. (Moadto sa tokador ug magdagkut og mga kandila.)

(Mobagting ang kampana. Magping-it si Tacio sa kasakit.)

Padre: Ang tambal, Berting.

Berting: Dia na dre.

Padre: Ewing pagkuha na ug tubig didto.

Ewing: Kuyogi ko ting bi…ngitngit man gud kaayo.

Berting: Sus, para kusina, pakuyog pa gyud ka?

Padre: Kuyogi na lang Berting, aron maka tomar na ni’g tambal si Tacio.

(Molakaw ang duha padulong sa kusina. Madungog ang lawom nga agulo sa us aka lalaki. Manguros si Padre Tining. Mobalik sa agi sila si Berting ug Ewing.)

Ewing: Dre, unsa man to?

Berting: Nakadungog nad baya ko.

Padre: Shhhh…ayaw mo ug langas.

(Madungog na usab ang tingog sa lalake ug sa babaye.)

Tacio: (Magping-it sa kasakit.) Tabang ‘dre…tabangi ko ninyo…bay…(mokurog.) Dre….padre….

Padre: Guniti ninyo ang iyang kamot…Mag-ampo ta alang niya.

(Magsugod og ampo si Padre Tining sa Credo sa mga Apostoles. Mokalma si Tacio. Mainanay ug kawala ang mga tingog. Mahuman ang Credo. Dili sila magtingog. Mosulod sila si Kapitan ug si Tekyo ug Pidot, kuyog sila si Clark ug si Eric.)

Eric: Tiyo…tiyo…

Kapitan: Padre Tining…dre…

Padre: Hay salamat kay wa diay nahitabo nimo, Eric. Hasta nimo Clark. Nganong wala man mo mobalik dayon? Unsa may nahitabo?

Clark: Sus, dre…naay multo sa kampanaryo!

Eric: Nakakita gyud mi ni Clark…babaye ug lalaki…tiyo…

Padre: Tinuod ba kini Clark?

Clark: Oo dre. Kadtong pagkabati nako nga naay nagbagting sa kampanaryo…miadto ko dayon…Pag-abot nako sa sulod abi to nako’g naay manag-uyab nga nag-date sa taas. Akong gipakanaog. Wala manumbaling nako. Akong gisaka. Pag-abot nako sa taas, wan a man sila. Unya nagsugod ug panlimbawot ang akong balhibo. Mikanaug ko dayon, aron moari sa kombento..diha na man sad silang duha nag-atubang sa pultahan. Mitago ko…Nag-ampo. Pagtan-aw ko wa na sila didto…Akong gitan-aw sa taas. Tua na sad sila. Nagtupad paglingkod. Mibagting na sad ang kampana. Midali ko ug abli sa pultahan, apan dili maabli. Bisan ako nang gipukpok pag-ayo…Gitan-aw nako sila pagbalik…Sus dre…nanganaug man na sila ug nipadulong diri nako. Mibalik ko sa akong gitagoan. Maayo gani kay miabot si Eric.

Padre: Nganong dugay man mo mibalik diri?

Eric: Gibinuangan gyud mi tiyo. Kay dili na man sad mi kagawas. Bisan giunsa namo og abli. Dili gyud.

Ewing: Unya, unsa may nahitabo?

Eric: Sus weng, karon pa gyud ko kasuway nga way undang panimbawot ang akong balhibo. Kanang morag naa gyuy tawo tupad nimo permi.

Berting: Kita gyud ka?

Eric: Kita gyud ko. Babaye ug lalaki tiyo. Batan-on pa..Di ba Clark?

Clark: Morag mga 22 anyos pa to sila…basta batan-on pa.

Kapitan: Padre, naunsa man sad na si Tacio diha? Nganong daghan man sad kaayo ni siya’g mga lagum-lagum?

Padre: Ambot naunsa na siya. Nagsige mag ping-it. Wa gyud ko kasabot. Init kuno kaayo iya pamati. Pero kon hikapon, dili man siya init…normal man.

Ewing: Eric…nakadungog bya mi’g agulo sa lalaki. Kahadlokan kaayo ang tingog.

Clark: Kanus-a lang?

Padre: Bag-o lang gyud. Hasta sila si Berting nakadungog sad.

Berting: Nangadye man gani mi…pag-abot ninyo.

Ewing: Mihunong lang ang tingog sa dihang nangadye  ug linatin si Padre.

Kapitan: Unsa kahay ipasabot ani, Padre?

Tekyo: Tingale’g taw-an ning kombento u gang kampanaryo  dre?

Eric: Sus, karon ra gyud ni Tekyo, sukad masukad.

Padre: Karon ra gyud ko nakadungog ug ingon niadto.

(Mobagting pag-usab ang kampanaryo. Mokalit lang sila og tapok sa pari.)

Padre: Ayaw mo   kahadlok. Pag-ampo mo.

(Mangulo si Eric sa pag-ampo.)

Eric: Sa ngalan sa Amahan, ug sa Anak ug sa Espiritu Santo. Amen. Amahan namo…

(Madungog ang tingog sa lalaki nga mag-agulo. Mokusog ang huros sa hangin.)

Padre: Kon ikaw iya sa panuway…gimanduan ko ikaw sa ngalan ni Cristo sa pagbiya ug sa dili na pagsamok namo.

(Mokusog ang tingog…Mokusog usab ang pag-ampo nila ni Eric. Madungog ang paghilak sa us aka babaye. Mohilum si Eric.)

Padre: Kon ikaw iya sa panuway…ikaw akong gimandoan sa ngalan ni Cristo sa pagbiya kanamo og sa dili na pagsamok kanamo. (Mag-ampo.)

(Magdungan ang agulo og hilak. Mokalit lang ug katumba si Eric. Masawo sa kapitan.)

Kapitan: Padre! Nakuyapan si Eric!

Padre: (Modali sa pagbarug. Mopikpik sa iyang apinig.) Pagkuha didto og vino sa tokador, Clark…pagdali!

(Mokusog ang hangin u gang paghilak sa babaye. Mosugod og ping-it si Tacio.)

Tacio: Padre! Padre!  Tabangi ko…init kaayo. Nasuko sila…nasuko sila nako…

Padre: Si kinsa? Kinsay nasuko nimo?

Tacio: (Mokalit ug kurog ang lawas. Maglisud og ginhawa.) Pa…pa…pa…dre!

Padre: (Modali og sapnay kang Tacio.) Ayaw og buhi, Tacio. Ayaw ug pamuhi. Ayaw og bigay. (Sa mga kalag.) Unsay inyong tuyo? Nganong inyong gisakit si Tacio? Unsay iyang nabuhat ninyo? Unsay iyang nabuhat ninyo? Unsay among mabuhat alang ninyo?

(Maulian si Eric. Apan lain na ang iyang panagway. Molingkod kini. Blangko ang tinan-awan.)

Eric: Misa requiem…mangitngit…Misa requiem…misa requiem…mangitngit…misa requiem…

(Maglimbag-limbag si Tacio sa kasakit.)

Padre: Kinsay imong pangan? Kinsay inyong pangan?

Eric: (Motudlo kang Tacio.) Misa requiem…(Magping-it sa kasakit si Tacio.) Misa requiem….misa requiem…

Padre: Kinsay inyong mga nga’an?

Eric: (Motudlo kang Tacio.) Misa requiem…

Padre: Eternal rest grant unto them, Oh Lord. (Mohimo ug sign of the Cross.)

Eric: (Mobarug. Maghilak ug tingog. ) Misa requiem…(Dayon malup-og sa sawog.)

Padre: Tabanga ninyo si Eric!

(Moduol sila si Kapitan, Tekyo ug Clark kang Eric. Ila kining dad-on sa lingkoranan. Mohunong na sa pagping-it si Tacio. Kahilum. Mobarug si Padre Tining ug moadto sa bintana.)

Clark: Unsa may buhaton nato ani nila ron Dre?

Berting: Dad-on nato si Tacio sa ospital.

Kapitan: Padre, akong ipakuha si Noy Doro aron atong mahibaw-an kon kinsa kining mga kalag nga nagsamok dinhi?

Padre: Ayaw…maghulat lang ta kon unsay buhaton sa Espiritu Santo aron matabangan nato kining mga kalag. Salig lang mo sa gahum sa Espiritu Santo.

Clark: Mag-unsa man ta karon dre?

Padre: Mag-misa ko…magmisa ta pahinungod sa Espiritu Santo. Ewing andama ang akong mga gamit sa misa.

Ewing: Asa man ta mag misa dre? Sa simbahan?

Padre: Ari lang ta dinhi. Berting, ikay andam sa akong misahanan. Kapitan, bantayi si Eric ug Tacio palihug kay mag-ilis una ko para sa misa. Pag-ampo mo samtang maghulat nako.

Berting: Oo, dre.

Kapitan: Ari lang mi diri, dre.

Tekyo: Kami lay bantay diri.

(Molakaw si Padre Tining padulong sa iyang kuwarto. Mobagting pag-usab ang kampana. Mohinay si Berting og andam sa lamisa para misahan. Hilum nga nag-ampo.)

Kapitan: Ayaw mo kahadlok, Tekyo, Pidot.

(Madungog ang tingog sa babaye nga maghilak u gang agulo sa lalaki. Mobalik og ping-it sil Tacio.)

Pidot: (Moduol sa Kapitan.) Nagping-it na sad si Tacio.

Kapitan: Tupari lang siya didto, Pidot kay tingale’g maunsa siya.

Pidot: Oo Kap. (Moadto kang Tacio.)

(Moabut si Ewing dala ang gamit sa misa sa pari. Moduol kang Berting.)

Ewing: Ganiha ra ni? (Moandam sa misa.)

Berting: Bag-o pa lang. Ayaw’g langas diha…pag-ampo.

(Adunay tingog sa sakyanan nga moabot. Mohunong. Mosulod si Mark. Mohunong ang tingog sa kampana.)

Mark: Maayo?

Berting: Unsay ato?

Mark: A kanang naa koy tuyo sa pari.

Ewing: Ngano man unta?

Mark: Na aba ang pari?

Kapitan: Naas a sulod. Dayon…

(Mosulod si Mark. Mahibulong sa kahimtang ni Eric ug Tacio. Mosulod si Padre.)

Padre: Unsay ato?

Mark: Kanang, maayong buntag dre. Si Mark Cabrera ko. Kanang…ang akong ig-agaw dre ba namatay gahapon sa buntag. Unya wa gyud ko katug ron kay nagsige og samok nako. Nahadlok ko dre nga tingale’g nasuko to nga wa ko katambong sa akong gipamisa nga requiem para sa iyaha ug sa iyang uyab.

Padre: Diin man ka nagpamisa?

Mark: Dinhi dre…Nagpamisa ko gahapon sa hapon para nila. Ruel Sandoval ang nga’n dre. Cristina Sanchez sa iyang uyab. Nabangga man gud ang ilang sakyanan didto sa Cavite. Unya way laing paryente didto kay tua man tanan sa America.

Padre: Pero wa man ko ka misa ug halad para sa kalag gahapon. Wa gyud toy naapil nga kalag kay espesyal ‘to alang sa adlawng natawhan.

Mark: ( Makakita kang Tacio. Motudlo kang Tacio.) Siya’y akong gika-istorya gahapon dre. Gihatag nako niya ang sobre para misa requiem.

(MOsugod pagbagting ang kampana. Mohaguros ang hangin. Madungog nila ang tingog.)

Mark: Mao man ning tingog nga akong nadungog sa akong kwarto?

(Magping-it si Tacio sa kasakit.)

Padre: Si Tacio!

Berting: Dre…kanang nakakita ko ato niya nga nagkuha og kuwarta gikan sa sobre sa iyang bulsa didto sa baylehan.

Padre: Unsa?

(Moduol si Padre Tining kang Tacio. Mokuha sa sobre sa iyang bulsa.)

Padre: Por Dios, for Santo! Ania ra gayud  tinuod. Misa requiem alang kang Ruel Sandoval ug Cristina Sanchez.

Clark: Mao diay nga naingon niana karon si Tacio dre…

Padre: Salamat Espiritu Santo sa imong paghatud namo ni Mark.

Mark: Unsa may buhaton ko dre?

Padre: Tambong sa misa requiem nga akong ihalad alang nilang duha.

Mark: Kanus-a dre?

Padre: Karon dayon.

Mark: Salamat kaayo dre.

(Magsul-ob og estola si Padre Tining. Ang tanan moatubang sa altar. Mobagting pagbalik ang kampana. Madungog ang agulo. Magping-it pagbalik si Tacio.)

Padre: (Magsugod sa misa.) Sa ngalan sa Amahan ug sa Anak ug sa Espiritu Santo.

Tanan: Amen.

Padre: Mga igsoon ania kita karon nagkatigum aron sa paghalad niining santos nga misa alang sa pahulayng dayon sa kalag sa atong mga igsoon nga si Ruel ug Cristina.

(Mohunong pagbagting ang kampana. Mohunong usab ang tingog u gang pagping-it ni Tacio. Mosiga pagbalik ang suga.)

Padre: Niining santos nga misa atong i-ampo nga unta magmalinawon na ang ilang mga kalag ug modangat ngadto sa puluy-anan nga giandam alang kanatong tanan. Ug aron mahimo kitang takos sa pagsaulog niining….

(Inanay nga mosirado ang kurtina sa entablado.)

Katapusan.

Eternal Rest grant unto them O Lord.

And let your perpetual light shine upon them.

May they rest in peace. Amen.

 

Comment navigation

Newer Comments →

108 comments on “Misa Requiem

  1. A thoughtful opinion and suggestions I’ll use on my internet site. Youve naturally spent some time on this. Nicely accomplished!

  2. I do not even know how I ended up here, but I thought this post was good. I don’t know who you are but certainly you are going to a famous blogger if you aren’t already 😉 Cheers!

  3. Howdy! This is kind of off topic but I need some guidance from an established blog. Is it hard to set up your own blog? I’m not very techincal but I can figure things out pretty fast. I’m thinking about setting up my own but I’m not sure where to begin. Do you have any ideas or suggestions? Thanks

  4. I’m not that much of a online reader to be honest but your blogs really nice, keep it up! I’ll go ahead and bookmark your website to come back down the road. All the best

  5. A thoughtful insight and ideas I will use on my website. Youve obviously spent some time on this. Congratulations!

  6. I started to follow your blog

  7. Hiya, I’m really glad I’ve found this information. Nowadays bloggers publish only about gossips and web and this is actually frustrating. A good web site with interesting content, this is what I need. Thanks for keeping this website, I’ll be visiting it. Do you do newsletters? Can’t find it.

Comment navigation

Newer Comments →

What do you say?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: